प्रेस सङ्गठन नेपाल चितवनको नाम हटाएर प्रेस चौतारी नेपाल चितवन शाखाको बोर्ड राखियो

चितवन, ०२ चैत्र ।

नेकपा (एमाले) निकटको पत्रकारहरुको सङ्गठन प्रेस चौतारी नेपाल चितवन शाखाले आफ्नो कार्यालयमा नाम परिवर्तन गरेको छ । कार्यालयमा रहेको प्रेस सङ्गठन नेपाल चितवनको नाम हटाएर प्रेस चौतारी नेपाल चितवन शाखाको बोर्ड राखिएको हो । सोमबार भरतपुर १० स्थित कार्यालयमा प्रेस चौतारीको बोर्ड राखिएको जिल्ला संयोजक सुवास पण्डितले जानकारी दिनुभयो । यस अगाडि नै प्रेस चौतारीको बोर्ड राख्ने कार्यक्रम तयार गरिएको भए पनि प्रेस चौतारी नेपालको वाग्मती प्रदेश भेलापछि मात्रै बोर्ड राखिएको हो ।

प्रगतिशील पत्रकारहरुलाई प्रेस चौतारीमा गोलबन्ध हुन समेत पण्डितले आग्रह गर्नुभएको छ । सम्पूर्ण कलमजीवीहरु चौतारीमा गोलबन्ध हुँदै पत्रकारका हकहितका लागि लड्नुपर्ने उहाँको भनाइ थियो । यसैबीच, प्रेस चौतारी नेपाल चितवन शाखाले जिल्लाका पत्रकारहरुबीच वनभोज तथा सङ्गठनको भेला गर्ने भएको छ ।